Хуулийн бодлого, Эрдэс баялгийн бодлогын зөвлөх

Өнөөдөр Монгол Улсын Ерөнхийлөгчийн ахлах зөвлөх П.Цагаан 2011 оны 10 дугаар сарын 26 нд Олон Улсын валютын сан /ОУВС/-ийн техник туслалцааны ажлын хэсгийн ахлагч  Эмил Санли тэргүүтэй уул уурхайн татварын эрх зүйн зохицуулалтын асуудлаар зөвлөгөө өгөх ажлын хэсгийг хүлээн авч уулзлаа. Уулзалтын үеэр П.Цагаан ОУВС-ийн төлөөлөлд хандан 21дүгээр зуунд Монгол Улс эдийн засгийн тогтвортой хөгжлийг хангаж чадсан, өрсөлдөх чадвар бүхий ардчилсан нийгмийг цогцлон бүрдүүлэхийг эрмэлзэж байгаа тул бидэнтэй төрийн болон хувийн хэвшлийн менежментийг сайжруулж, боловсон хүчний чадавхийг бэхжүүлэх талаар хамтран ажиллах нь илүү чухал бөгөөд үр дүнтэй болохыг тэмдэглээд тус байгууллагад ажлын амжилт хүсэв.

Монгол Улсын Ерөнхийлөгчийн ахлах зөвлөх П.Цагаан 2011 оны 10 дугаар сарын 19 нд Европын Сэргээн Босголт Хөгжлийн Банк /ЕСБХБ/-ны Турк, Зүүн Өмнөд Европ, Кавказ болон Төв Азийг хариуцсан захирал Оливье Декамп болон тус банкны Дэд Эдийн засагч, Судалгааны хэлтсийн дарга Жеромин Зэттэлмайер тэргүүтэй төлөөлөгчидтэй уулзаж тус банкны ойрын жилүүдэд Монголд хийж болох санхүүжилтийн талаар санал солилцлоо.

Ерөнхийлөгчийн Ахлах зөвлөх бөгөөд Хуулийн бодлогын зөвлөх П.Цагаантай ярилцлаа. Түүний хэлсэн үг Ерөнхийлөгчийн бус өөрийнх нь хувийн байр суурь гэдгийг тэрбээр тодотгосон.

-Үндсэн хуульд нэмэлт, өөрчлөлт оруулах төсөлд санал авахаар Ерөнхийлөгч, Засгийн газарт хүргүүлсэн. Төрийн тэргүүн хуульд өөрчлөлт оруулахыг дэмжихгүй байгаа. Төслийн талаар Та ямар байр суурьтай байгаа вэ?

-Анхны ардчилсан, шинэ Үндсэн хуулийг боловсруулж батлахад буюу “гал тогоон”-д нь ажиллаж, гар бие оролцож явснаа ховорхон хувь  заяа гэж боддог. Тухайн үед би Үндсэн хуулийн эх баригч Б.Чимэд гуайн хуулийн туслахаар ажиллаж байсан. Тийм учраас “эцэг” хуулийн зүйл, заалт бүрээс гадна ямар санаа агуулгаар тэдгээрийг оруулсаныг нь мэднэ гэж боддог. Олон орны Үндсэн хуулийн эрх зүйг тусгайлан судалж байв. Аливаа хуулийг тууштай мөрдөж, тэвчиж байж үр шимийг нь үздэг. Үндсэн хуульдаа олон дахин гар хүрээд байвал нөхөөстэй дугуй шиг болчихдог талтай. Олон орны ийм туршлага байна.

2011 оны 7 сарын 8

Ерөнхийлөгчийн Эрдэс баялгийн бодлогын зөвлөх П.Цагаанаас тодруулга авлаа.

-Таван Толгойн ордын талаарх Засгийн газрын шийдвэрийн талаар янз бүрээр шуугиж байна. Энэ талаар Монгол Улсын Ерөнхийлөгчийн байр суурь тодорхойгүй байх шиг байна. Тодруулж болох уу?

-Засгийн газар Ерөнхийлөгчид Тавантолгойн тендер, хөрөнгө оруулалттай холбоотой материалыг хоёр хоногийн өмнө ирүүлсэн. Зөөлхөн хэлбэл бүрдэл дутуу, хатуухан хэлбэл хариуцлагагүй материал ирүүлсэн учраас нэмж мэдээ, мэдээлэл шаардаж авч, судалж үзсэний дараа л санал, дүгнэлт хэлэх, байр сууриа илэрхийлэх боломжтой болно байх.

2011 оны 8 сарын 2-нд  Ерөнхийлөгчийн ахлах зөвлөх П.Цагаан Япон Улсын Ойта мужийн Жижиг, дунд үйлдвэрлэлийн зөвлөлийн тэргүүн Казутоши Икэбэ тэргүүтэй төлөөлөгчидтэй уулзаж хоёр орны худалдаа, эдийн засгийн харилцааг өргөжүүлэх талаар санал солилцлоо.

Эрхэм хүндэт Ерөнхийлөгч, Улсын их хурал, Засгийн газрын гишүүд,
хүндэт зочид, төлөөлөгчид,
ноёд, хатагтай нар аа,
Та бүхний энэ өдрийн амар амгаланг айлтгая. 

Монгол Улсын Ерөнхийлөгчийн санаачилгаар Монгол Улсын Засгийн газар, Улсын Дээд шүүх болон Ерөнхий прокурорын газартай хамтран зохион байгуулж буй “Шүүх эрх мэдлийн шинэчлэл ба шударга ёс” Үндэсний чуулганд хүрэлцэн ирсэн та бүхэнд гүн талархал илэрхийлье.  

Үндэсний чуулганд Улсын их хурал, Засгийн газар, Үндсэн хуулийн цэц, бүх шатны шүүх, прокурор, цагдаа, өмгөөлөгч, нотриатч зэрэг хуулийн болон төр, захиргааны байгууллагын төлөөлөл, эрдэмтэн судлаач, багш нар, хувийн хэвшил, төрийн бус байгууллага, хэвлэл мэдээлэл, иргэний нийгмийн төлөөлөл гээд нийт 1000 гаруй төлөөлөгч хүрэлцэн иржээ.  

Ерөнхийлөгчийн ахлах зөвлөх П.Цагаан “Шүүх эрх мэдлийн шинэчлэл ба шударга ёс” үндэсний чуулган маргааш дөрөвдүгээр сарын 14-нд хуралдаанаа эхлэх гэж байгаатай холбогдуулан хэвлэлийн бага хурал хийлээ. Тэрээр хэлэхдээ “Монгол Улсын Ерөнхийлөгчийн санаачилгаар “Шүүх эрх мэдлийн шинэчлэл ба шударга ёс” үндэсний чуулган төрийн ордонд дөрөвдүгээр сарын 14,15-нд болно. Чуулганаар 15 салбар хуралдаан хийж, шүүх эрх мэдлийн шинэчлэлтэй холбоотой асуудлуудыг ажил хэрэгч байдлаар хэлэлцэнэ. Чуулганыг зохион байгуулах болсон шалтгаан гэвэл сүүлийн жилүүдэд хийсэн олон судалгаагаар өнгөрсөн хугацаанд шүүх эрх мэдэлд Монгол  Улсын иргэд, хуулийн этгээдүүдийн болон гадаадын хөрөнгө оруулагчдын итгэх итгэл байнга буурч ирсэн дүр зураг харагддаг. Үүнээс хууль хэрэгждэг, шүүхээс гарсан шийдвэр нь биелдэг байхгүй бол цаашид хөгжих тухай асуудал хүндрэх юм гэсэн дүгнэлтэд хүрсэн.  Мөн чуулганд бэлтгэх явцад үнэхээр ийм зүйл хийх цаг нь болсон, нийгэмд их хүлээлт үүссэн нь ажиглагдсан. Анх бид 500 орчим төлөөлөгч оролцоно гэсэн тооцоо хийсэн байлаа. Гэтэл энэ чуулганд оролцъё гэж саналаа илэрхийлсэн хүний тоо 1300 гараад явж байна. Байр савны боломжоос зарим хүнийг оролцуулах боломжгүй болж байна. Иймээс  үндэсний чуулганыхаа нээлт, хаалтыг орон даяар шууд нэвтрүүлье гэсэн бодолтой байна.

Монгол Улсын Ерөнхийлөгчийн ахлах зөвлөх П.Цагаан ХААН Банкны гүйцэтгэх ерөнхий захирал Саймон Моррис тэргүүтэй удирдах албаны хүмүүстэй өнөөдөр уулзаж, 4 дүгээр сарын 14,15-нд болох “Шүүх эрх мэдлийн шинэчлэл ба шударга ёс” Үндэсний чуулганыг зохион байгуулахад хамтран ажиллах талаар санал солилцлоо.

Монгол Улсын Ерөнхийлөгчийн ахлах зөвлөх П.Цагаан АНУ-ын Азийн сангийн суурин төлөөлөгч Мелони Линдбергтэй өчигдөр уулзаж, тус улсын нэрт хуульч, шүүхийн шинэтгэл, менежментийн чиглэлээр өндөр туршлага хуримтлуулсан ноён Самуэл Контигийн "Шүүхийн тухай багц хуулийн төсөл"-д зориулсан санал,  зөвлөмж бүхий тайлантай танилцлаа.

Ерөнхийлөгчийн Тамгын газрын даргын урилгаар АНУ-ын нэрт хуульч Самуэл Конти Монгол Улсад зочилж байна. Тэрээр Ерөнхийлөгчийн ахлах зөвлөх П.Цагаан, УИХ-ын төрийн байгуулалтын байнгын хорооны дарга Ж.Сүхбаатар, УИХ-ын гишүүн Х.Тэмүүжин нартай өчигдөр уулзаж, Ерөнхийлөгчийн санаачилгаар боловсруулсан Шүүхийн тухай хуулийн төслийн талаар санал солилцов.

Мэдээлэл бүртгэсэн: administrator огноо: 2011-01-25