Паламхүүгийн Галсан-Ёндонд Монгол Улсын Хөдөлмөрийн баатар цол хүртээх тухай

Монгол Улсын Ерөнхийлөгчийн тухай хуулийн арван тавдугаар зүйлийн нэгийг үндэслэн ЗАРЛИГ БОЛГОХ нь:

Ардын аж ахуйтны болон мал аж ахуйн салбарт тасралтгүй он удаан жил үр бүтээлтэй ажиллаж, олон зуун шавь нараа амьдрах ухаан, хөдөлмөрлөх арга туршлагад сурган, залуу гэр бүл болон амьдралын бэрхшээлтэй айл өрхүүдийг байнга дэмжиж ажилладаг онцгой гавъяаг нь үнэлж Өвөрхангай аймгийн Уянга сумын Бадрал багийн зөвлөх, Монгол Улсын гурван удаагийн аварга малчин Паламхүүгийн Галсан-Ёндонд Монгол Улсын Хөдөлмөрийн баатар цол хүртээж, Хөдөлмөрийн баатрын Алтан соёмбо тэмдэг, Сүхбаатарын одонгоор шагнасугай.

Монгол Улсын Ерөнхийлөгч
Цахиагийн ЭЛБЭГДОРЖ