Архив - Мэдээ

Монгол Улсын Ерөнхийлөгч Цахиагийн Элбэгдорж Төсвийн болон Татварын багц хуулинд нэмэлт, өөрчлөлт оруулах тухай хуулийн төслүүд, мөн “Хүүхдэд мөнгөн тэтгэмж олгох тухай” хуулийн төслийг санаачилан боловсруулж УИХ-д өргөн барьж байна. Өмнө нь “Төсвийн тухай хуулинд нэмэлт оруулах тухай”, “Хүүхдийн мөнгө олгох тухай” хуулиудын төслийг Засгийн газарт санал авахаар хүргүүлсэн. Харин өнгөрсөн долоо хоногийн эхээр татварын багц хуульд өөрчлөлт оруулах саналыг нэмж хүргүүлжээ.

Монгол улсын Ерөнхийлөгч 2012 оны 3 дугаар сарын 14-ний өдөр захирамж гарган “Хар тамхи, мансууруулах бодистой тэмцэх” тухай хуулийн төсөл боловсруулах ажлын хэсгийг томилсон билээ. Ажлын хэсгийн санаачилгаар Ерөнхийлөгчийн Тамгын газар, ЦЕГ, ЭЦГ-аас хамтран 5 дугаар сарын 14-нд “Хар тамхи, мансууруулах, сэтгэцэд нөлөөт бодистой холбоотой гэмт хэргийн ялын бодлого” сэдвээр хэлэлцүүлэг зохион байгуулав.

Бан Ги Мүн : Сайн байна уу, Эрхэм Ерөнхийлөгч өө.

Цахиагийн Элбэгдорж: Эрхэм Ерөнхий нарийн бичгийн дарга тантай утсаар ярьж байгаадаа баяртай байна.

Бан Ги Мүн: Би энэ асуудлаар яримааргүй байна. Гэхдээ ярьж байгааг та ойлгоно биз ээ.  Ерөнхийлөгч асан Н.Энхбаярын эрүүл мэндийн асуудалд бид санаа зовних байдал нэмэгдэж байна. Түүний эрүүл мэндийн талаар таныг анхаарлаа хандуулж байгаа гэдэгт би найдаж байна. Та бид хоёр сайн найзууд. Таны өмнөх Ерөнхийлөгчийг ч би мэднэ. Монгол Улс бол ардчилсан нийгмийг байгуулахад хамгийн их амжилт олж байгаа улсын нэг гэдгээр нь бахархаж явдаг. Мэдээж бид хуультай холбоотой асуудалд хөндлөнгөөс оролцохыг хүсэхгүй байна. Та бол Монгол Улсын Ерөнхийлөгчийн хувьд ардчиллыг бэхжүүлэх, хууль ёсыг тогтооход асар том хариуцлага үүрч байгааг би сайн ойлгож байна.

Монгол Улсын Ерөнхийлөгч Ц.Элбэгдорж Өмнөговь, Дорноговь, Говьсүмбэр аймагт ажиллаж, орон нутагт үйл ажиллагаа явуулж байгаа төрийн болон хувийн хэвшлийн байгууллагуудын ажил байдалтай танилцаад бүтээн байгуулалтыг эрчимжүүлэх 16 саналыг Засгийн газарт энэ оны хоёрдугаар сарын 16-нд хүргүүлсэн билээ. Засгийн газар хуралдаанаараа тэдгээрийг хэлэлцэж, Өмнөговь, Дорноговь аймгийн нутагт Таван толгой, Оюу толгойн уул уурхайн явуулж буй үйл ажиллагааг дэмжих зорилгоор дэд бүтэц, эрчим хүч, засмал болон төмөр замын барилга байгууламжийг барьж байгуулах ажлыг эрчимжүүлэх, байгаль орчныг хамгаалах, нутгийн иргэд уул уурхайн компаниудын хамтын ажиллагааг сайжруулах талаар Ерөнхийлөгчийн гаргасан саналуудыг хэрэгжүүлэх талаар төлөвлөгөө гаргаж ажиллахыг танхимын гишүүдэд даалгасан юм.

Монгол Улсын Ерөнхийлөгч Ц.Элбэгдорж хар тамхитай тэмцэх чиг үүрэг бүхий Үндэсний хороо байгуулах, тэмцлийг эрчимжүүлэх, шинэ хөтөлбөр боловсруулах чиглэл бүхий зарлиг гаргаж, Засгийн газарт хүргүүллээ.

Монгол Улсын Ерөнхийлөгчийн Тамгын газрынхан мод тарих үндэсний өдрөөр 60 шинэс мод тарив. Тэд үндэсний цэцэрлэгт хүрээлэнд мод тарьсан юм. Өмнөх жилүүдэд тус Тамгын газрынхны  үндэсний үндэсний цэцэрлэгт хүрээлэнд тарьсан моднууд сайхан ургаж байгааг паркийн ажилчид үзүүлж, жил бүр хувь нэмрээ оруулдагт талархлаа.

Монгол Улсын Ерөнхийлөгч Цахиагийн ЭЛБЭГДОРЖ өнөөдөр УИХ-ын гишүүн, МАХН-ын гишүүн Д.Тэрбишдагва, О.Чулуунбат, Ч.Улаан нарыг хүлээн авч уулзаж ярилцлаа. Энэхүү уулзалтын тэмдэглэлээс хүргэе.  

“Хүмүүн бичиг” сонины хамт олон, уншигчдад  

Үндэсний монгол бичгээр дагнан гардаг “Хүмүүн бичиг” сонины 20 жилийн ойг тохиолдуулан тус сонины сэтгүүлч, уран бүтээлч, хэвлэл мэдээллийн ажилтнууд болон мянга мянган уншигчдад баярын мэндчилгээ дэвшүүлж, ажлын амжилт хүсч, хамгийн сайн сайхныг ерөөе.

            Монгол бичиг бол мөнх тэнгэрээс ирэл гарвалтай, хөх толботой монгол үндэстний оюун соёлын гайхамшигт бүтээл, ухаан билгийн дундаршгүй ундарга, хүмүүн төрөлхтний эрдэнэсийн санд өргөсөн нүүдэлчдийн нэгэн шижир эрдэнэ билээ.

Монгол Улсын Ерөнхийлөгч Ц.Элбэгдорж барилгачдын талбайд өнөөдөр хүрэлцэн очиж, бүх нийтийн мод тарих үндэсний өдрийн хүрээнд зохион байгуулсан “Ногоон хот-2012” өдөрлөгт оролцлоо. Уг арга хэмжээг байгаль хамгаалах, мод тарих үйлсэд олон нийтийг уриалах, иргэдэд экологийн боловсрол олгох зорилгоор Ерөнхийлөгчийн Тамгын газар, Байгаль орчин, аялал жуулчлалын яам, Улаанбаатар хотын Захирагчийн алба, нийслэлийн Байгаль орчныг хамгаалах газар хамтран зохион байгуулж байгаа юм.

Монгол Улсын Ерөнхийлөгч Ц.Элбэгдорж бүх нийтээр мод тарих үндэсний өдрийг тохиолдуулан байгаль орчныг хамгаалах  чиглэлээр идэвхтэй үйл  ажиллагаа явуулж байгаа олон хүнийг төлөөлүүлэн зарим иргэдийг төрийн өндөр цол, одон медалиар өнөөдөр шагнав.