layer1-background dontneed

Монгол Улсын Ерөнхийлөгч Ц.Элбэгдорж Дорнод аймагт ажиллаж байна

Монгол Улсын Ерөнхийлөгчийн 2009-2017 оны бодлого, үйл ажиллагааны хөтөлбөрийн биелэлтийг Дорнод аймгийн иргэдэд танилцуулах уулзалт аймгийн хөгжимт драмын театрт болов.

layer1-sublayer1
layer1-background dontneed

Монгол Улсын Ерөнхийлөгч Цахиагийн Элбэгдорж: МОНГОЛ УЛС ХҮН АМЬДРАХАД УРАМТАЙ, ХҮН АЖИЛЛАХАД УРАМТАЙ ОРОН БОЛОХ ЁСТОЙ

Монгол Улсын Ерөнхийлөгч Цахиагийн Элбэгдорж: МОНГОЛ УЛС ХҮН АМЬДРАХАД УРАМТАЙ, ХҮН АЖИЛЛАХАД УРАМТАЙ ОРОН БОЛОХ ЁСТОЙ

layer1-sublayer1
layer1-background dontneed

“том төрөөс ухаалаг төр лүү” сэдэвт үндэсний зөвлөлдөх уулзалтын эмхэтгэл

“том төрөөс ухаалаг төр лүү” сэдэвт үндэсний зөвлөлдөх уулзалтын эмхэтгэл

layer1-sublayer1
layer1-background dontneed

Монгол Улсын Ерөнхийлөгч Ц.Элбэгдорж: Гэр бүлийн, улс орны сайн сайхан ээжүүдээс, эмэгтэйчүүдээс хамаарч явдаг

Монгол Улсын Ерөнхийлөгч Ц.Элбэгдорж: Гэр бүлийн, улс орны сайн сайхан ээжүүдээс, эмэгтэйчүүдээс хамаарч явдаг

layer1-sublayer1
layer1-background dontneed

Монгол Улсын Ерөнхийлөгч төрийн есөн хөлт цагаан туганд хүндэтгэл үзүүлж, Төрийн золголт хийв

Монгол Улсын Ерөнхийлөгч төрийн есөн хөлт цагаан туганд хүндэтгэл үзүүлж, Төрийн золголт хийв

layer1-sublayer1
layer1-background dontneed

Ерөнхийлөгч Цахиагийн Элбэгдорж “Торгоны зам” сэдэвт хуралдаанд хэлэлцүүлэгчээр оролцов

Ерөнхийлөгч Цахиагийн Элбэгдорж “Торгоны зам” сэдэвт хуралдаанд хэлэлцүүлэгчээр оролцов

layer1-sublayer1
layer1-background dontneed

Монгол Улсын Ерөнхийлөгч Цахиагийн Элбэгдорж Дэлхийн эдийн засгийн чуулга уулзалтад оролцож байна

Ерөнхийлөгч Цахиагийн Элбэгдорж Швейцарын Холбооны Улсын Давос хотноо энэ сарын 17-20-ны өдрүүдэд болох Дэлхийн эдийн засгийн 47 дугаар чуулга уулзалтад оролцож байна.

layer1-sublayer1
layer1-background dontneed

“Дэлхийд түгсэн Монголын нууц товчоон” ном, “Монголын түүхийн цахим тайлбар толь”-ийн нээлт болов

Монгол Улсын Ерөнхийлөгчийн санаачилга, Ерөнхийлөгчийн Тамгын газрын дэмжлэгээр нийтэд хүргэж буй “Монголын түүхийн цахим тайлбар толь”-ийн нээлт өнөөдөр Үндэсний номын санд болов.

layer1-sublayer1
layer1-background dontneed

“Монгол Улсын тусгаар тогтнол ба батлан хамгаалах бодлого” сэдэвт эрдэм шинжилгээний бага хурал болов

Монгол Улсын тусгаар тогтнол ба батлан хамгаалах бодлого” сэдэвт эрдэм шинжилгээний бага хурал өнөөдөр Ерөнхийлөгчийн дэргэдэх Иргэний танхимд болов.

layer1-sublayer1
layer1-background dontneed

Монгол Улсын Ерөнхийлөгч Ц.Элбэгдорж ХСИС-д зочилж хүндэтгэлийн лекц уншив

Монгол Улсын Ерөнхийлөгч Ц.Элбэгдорж өнөөдөр Хууль сахиулахын Их сургууль /ХСИС/-д зочилж хүндэтгэлийн лекц уншлаа.

layer1-sublayer1
layer1-background dontneed

Монгол Улсын гавьяат жүжигчин Ганбаатарын Ариунбаатарыг төрийн дээд шагнал-тэргүүн зэргийн одон “Чингис хаан” одонгоор шагнав

Монгол Улсын гавьяат жүжигчин, дуурийн дуулаач Ганбаатарын Ариунбаатарыг төрийн дээд шагнал-тэргүүн зэргийн одон “Чингис хаан” одонгоор шагнав

layer1-sublayer1
layer1-background dontneed

Монгол Улсын Ерөнхийлөгч Ц.Элбэгдорж: Монголын ард түмний хамгийн дээд бахархал бол монголчуудын өв соёл юм

Монгол Улсын Ерөнхийлөгч Ц.Элбэгдорж: Монголын ард түмний хамгийн дээд бахархал бол монголчуудын өв соёл юм

layer1-sublayer1
layer1-background dontneed

Монгол Улсын Ерөнхийлөгч Ц.Элбэгдорж Гэрлэх ёслолын ордны цэцэрлэгт хүрээлэнд мод тарилаа

Ерөнхийлөгчийн зарлигийн дагуу өнөөдөр Монгол орон даяар мод тарих үндэсний өдрийг тэмдэглэж иргэн, аж ахуйн нэгж, байгууллага бүр мод, бут тарих хөдөлгөөн өрнүүллээ.

layer1-sublayer1
layer1-background dontneed

Батлан хамгаалахын багц хуулийг Батлан хамгаалах яаманд гардуулан өгөв

Тус арга хэмжээнд УИХ-ын гишүүн, Засгийн газрын гишүүн, Батлан хамгаалахын сайд Б.Бат-Эрдэнэ болон тус яамны үе үеийн сайд нар, ЗХЖШ, ХЦЕГ, ОБЕГ-ын удирдлага оролцов.

layer1-sublayer1
layer1-background dontneed

“Ерөнхийлөгч сэтгүүлчидтэй” уулзалт зохион байгуулав

Монгол Улсын Ерөнхийлөгч Ц.Элбэгдорж энэхүү саналыг хүлээн авч сэтгүүлчидтэй хийх эхний уулзалтыг ийнхүү зохион байгуулав. Уг уулзалтаар Монгол Улсын Ерөнхийлөгч Ц.Элбэгдорж цаг үеийн сонирхол татсан олон асуултад хариулт өгөв.

layer1-sublayer1
layer1-background dontneed

С.Зоригийн хөшөөнд цэцэг өргөв

Монгол Улсын Ерөнхийлөгч Ц.Элбэгдорж өнөөдөр ардчилсан хувьсгалын лидерүүдийн нэг агсан С.Зоригийн дурсгалыг хүндэтгэн хөшөөнд нь цэцэг өргөв.

layer1-sublayer1
layer1-background dontneed

Монгол Улсын Ерөнхийлөгч Цахиагийн Элбэгдорж Кубын Генетикийн инженер, биотехнологийн төвд зочиллоо

Ерөнхийлөгчийг тус төвийн захирал Еүлохио Пиментел, “БиоКубаФарма” нэгдлийн Ерөнхийлөгч Др. Карлос Гутиеррес нар угтан авч төвийхөө үйл ажиллагааны талаар танилцуулав.

layer1-sublayer1
  • Монгол Улсын Ерөнхийлөгч Цахиагийн Элбэгдорж зүүн болон говийн бүсийн телевизийн сэтгүүлчидтэй уулзалт, ярилцлага хийв

    2017-04-28

    Монгол Улсын Ерөнхийлөгч Цахиагийн Элбэгдорж энэ 4 дүгээр сарын 24-25-нд Дорнод аймагт ажиллах үеэрээ орон нутгийн телевизийн сэтгүүлчидтэй уулзалт, ярилцлага хийв. Уулзалт, ярилцлагад Монголын мэдээ телевиз, Eagle телевиз,  Дорнод, Сүхбаатар, Хэнтий, Өмнөговь, Дорноговь, Говьсүмбэр аймгийн сэтгүүлчид оролцлоо.

    Уг уулзалт, ярилцлагыг бүрэн эхээр нь хүргэж байна.

    Монголын мэдээ телевизийн сэтгүүлч Б.Батбаяр: -Сайн байцгаана уу, үзэгчид ээ. Монгол Улсын Ерөнхийлөгч Цахиагийн Элбэгдорж өнгөрсөн найман жилийн хугацаанд хэрэгжүүлсэн бодлого, үйл ажиллагааны биелэлтээ танилцуулахаар Дорнод аймагт ажиллаж байна. Бид энэ сэдвээр Монгол Улсын Ерөнхийлөгч Цахиагийн Элбэгдоржтой ярилцах гэж байна. Бидэнтэй хамт Eagle телевиз, зүүн болон говийн бүсийн орон нутгийн телевизийн сэтгүүлч, сурвалжлагч нар ажиллаж байна.

    Ингээд эхний асуултыг асууя. Та Дорнод болон бусад аймгаар бодлого үйл ажиллагааны хөтөлбөрөө танилцуулж явна. Энэ талаар товч танилцуулахгүй юу?

    Ерөнхийлөгч Ц.Элбэгдорж: - Би Монгол Улсын Ерөнхийлөгчөөр найман жил ажиллалаа. Энэ хугацаанд хийж хэрэгжүүлсэн ажлынхаа талаар иргэдэд мэдээлэл хийж, ярилцах зорилготой явж байна. Хамгийн гол нь хийсэн ажлынхаа талаар танилцуулга хийнэ. Дорнод бол манай зүүн бүсийн гол аймаг. Дорнод аймгийн зэргэлдээ орших Сүхбаатар, Хэнтий, Дорноговь, Говьсүмбэр, Өмнөговиос хэвлэлийн төлөөлөгчид энд хүрэлцэн ирсэн байна. Сэтгүүлч та бүхнээрээ дамжуулаад тухайн аймгийнхаа ард иргэдэд ажлаа тайлагнах боломж гарч ирж байгаад баяртай байна.

    Дорнод аймгийг 1943 онд Хөдөлмөрийн гавьяаны улаан тугийн одонгоор шагнасан байдаг. Сая Сүхбаатарын одонгоор шагналаа. Төрийн дээд энэхүү шагналыг Дорнод аймагт гардуулах ажлаар бид ирсэн. Дорнод аймгийн эдийн засаг 2016 онд 9.6 хувиар өссөн. Энд үйлдвэрлэл, үйлчилгээ сайн хөгжиж байна. Дорнод 2030 он хүртэл хөгжлийн хөтөлбөрөө гаргасан. Мөн Дорнод нь манай хоёр хөрштэй хиллэдэг. Хоёр хөршийн эдийн засагтай уялдуулан хөгжлийнхөө хөтөлбөрийг гаргасан. Энэ аймагт болж буй сайн зүйлийн талаар өчигдөр бид сайтар ярилцсан.

    Дэлгэрэнгүй
  • Монгол Улсын Ерөнхийлөгч Ц.Элбэгдорж: Төрд эхлээд хариуцлага бий болгоё

    2017-04-27

    УИХ-ын чуулганы өнөөдрийн нэгдсэн хуралдаанаар Зөрчлийн тухай хуулийн төслийг хэлэлцэх үеэр Монгол Улсын Ерөнхийлөгч Ц.Элбэгдорж оролцож үг хэллээ.

    Тэрээр хэлсэн үгэндээ:

    “Энд би гурван товчхон санаа хэлье гэж бодсон юм. Гишүүдийн зүгээс ч санал гарч байна. Энэ оруулж байгаа Зөрчлийн тухай хуульдаа хүний эрхийг баталгаажуулах тал дээр анхааръя.

    Нэгд, Хууль, шүүхийн байгууллагаас гардаг дутагдалтай зарим зүйлийг байхгүй болгох чиглэлд анхаарч ажиллая гэсэн саналууд гарч байгаа. Ажлын хэсэг энэ чиглэлээ илүүтэй сайн бодож оруулж байгаа байх аа.

    Мөн иргэд, аж ахуйн нэгжийн зүгээс эрх ашгийг нь хөндөхгүй байх асуудал дээр онцгой анхаарч ажиллах нь зүйтэй. Төрийн барьж байгаа гол бодлого бол аль болох яллах, буруутгах талд биш, нөгөө талд нь хуулийн субъект юм уу, иргэдийн эрхийг хамгаалах талд анхаарч ажилладаг. Дараа нь хуульд өөрчлөлт оруулах шаардлагатай бол нэмэлтээр оруулах эрх нь төрд байнга байдаг. Төрийн зүгээс шийдэж байгаа учраас төрийн талаас биш, албан тушаалтан, эрх мэдэлтний талаас биш, иргэд, аж ахуйн нэгж, бүтээгчдийнхэ талыг барьж шийддэг чиглэлээр ажлаа хийе гэж бид олон жил ярьж ирсэн. Энэ чиглэл рүүгээ илүү анхаарах байх гэж бодож байгаа.

    Хуульд зарчмын шинжтэй, шинэчлэл, өөрчлөлтийн шинжтэй олон асуудал байна. Энд нэг зүйл дээр онцгой анхаарал хандуулаач гэж хэлэх гэсэн юм.

    Дэлгэрэнгүй
  • Бүгд Найрамдах Замби Улс, Шведийн Вант Улс, Бүгд Найрамдах Словак Улс, Холбооны Бүгд Найрамдах Ардчилсан Балба Улс, Бүгд Найрамдах Намиби Улсаас Монгол Улсад суух Элчин сайд нар ИЖБ барилаа

    2017-04-27

    Монгол Улсын Ерөнхийлөгч Ц.Элбэгдоржид өнөөдөр Бүгд Найрамдах Замби Улсаас Монгол Улсад суух Онц бөгөөд Бүрэн эрхт Элчин сайд хатагтай Вини Натала Чибэсакунда, Шведийн Вант Улсаас Монгол Улсад суух Онц бөгөөд Бүрэн эрхт Элчин сайд хатагтай Анна Линдстэд,  Бүгд Найрамдах Словак Улсаас Монгол Улсад суух Онц бөгөөд Бүрэн эрхт Элчин сайд ноён Душан Белла, Холбооны Бүгд Найрамдах Ардчилсан Балба Улсаас Монгол Улсад суух Онц бөгөөд Бүрэн эрхт Элчин сайд ноён Леэла Мани Паудял, Бүгд Найрамдах Намиби Улсаас Монгол Улсад суух Онц бөгөөд Бүрэн эрхт Элчин сайд ноён Элия Жиорж Кайямо нар тус тус Итгэмжлэх жуух бичиг барилаа.

    Итгэмжлэх жуух бичиг барьсны дараа Монгол Улсын Ерөнхийлөгч Ц.Элбэгдорж Элчин сайд нарыг хүлээн авч уулзав.

    Монгол Улсын Ерөнхийлөгч Ц.Элбэгдорж Бүгд Найрамдах Замби Улсаас Монгол Улсад суух Онц бөгөөд Бүрэн эрхт Элчин сайд хатагтай Вини Натала Чибэсакундатай уулзах үеэрээ Монголын тал далайд гарцгүй орнуудын олон улсын бодлогын хүрээлэн /Think-Tank/ байгуулах санаачилга дэвшүүлсэн талаар ярилаа.  Замби Улсын Засгийн газар ч далайд гарцгүй орнуудын олон улсын бодлогын хүрээлэнгийн талаарх гэрээнд гарын үсэг зурж нэгдэх байх хэмээн найдаж буйг мөн дурдав.

    Дэлгэрэнгүй
  • Монгол Улсын Ерөнхийлөгч Ц.Элбэгдорж: Дорнодоос Монголын сайн сайхан эхэлж байх ёстой. Дорнодын сайн сайхантай Монголын сайн сайхан уялдаж байх ёстой

    2017-04-26

    Монгол Улсын Ерөнхийлөгч Ц.Элбэгдорж энэ 4 дүгээр сарын 24-25-ны өдрүүдэд Дорнод аймгийн Чойбалсан хотод ажиллаад ирлээ.

    Ерөнхийлөгч Ц.Элбэгдорж Дорнод аймгийг Төрийн дээд Сүхбаатарын одонгоор шагнах ёслолд оролцон шагналыг биечлэн гардуулж өгсөн юм.

    Монгол Улсын Ерөнхийлөгч Ц.Элбэгдорж энэ ёслолын үеэр хэлсэн үгэндээ:

    “Эрхэм хүндэт Дорнодчууд аа,

    Энд хүрэлцэн ирсэн нийт ард иргэд ээ,

    Монгол түмээн,

    Өнөөдөр бүрэн эрхт, эрх чөлөөт Монгол Улсын дорнын их талд нэгэн мартагдашгүй, олон жил дурсагдах сайхан үйл явдал болж байна. Дорнодчуудад гайхамшигтай сайхан баяр тохиож байна. Дорнодчуудын үе үеийн хичээл зүтгэл, хөдөлмөр зүтгэл, улс, эх орныхоо тусгаар тогтнол, бүрэн эрхт байдал, аюулгүй байддлын төлөө зүтгэж ирсэн тэр их зүтгэл, дорнодчуудын улс эх орныхоо бүтээн байгуулалтын төлөө, сайн сайхны төлөө зүтгэж байгаа тэр их зүтгэл, эрх чөлөө, бүрэн эрхт байдлаа улам хөгжүүлэн бэхжүүлэхийн төлөө зүтгэж байгаа тэр их зүтгэлд Монголын ард түмэн, Монголын төр өнөөдөр дээд хүндэтгэлээ үзүүлж байна.

    Энэ дээд хүндэтгэлийг ард түмнээ төлөөлөн, төрөө төлөөлөн үзүүлж байгаадаа би туйлын их баяртай байна. Монголын ард түмний нэрийн өмнөөс, төрийнхөө нэрийн өмнөөс Монгол төрийн дээд хүндэтгэл Сүхбаатарын одонг хүлээн авсан та бүхэнд хамгийн сайн сайхныг хүсэн ерөөж баяр хүргэе.

    Энэ бол наран ургах зүгт байдаг манай дорнодчуудын олон жилийн, олон үеийнхний хөдөлмөрийг үнэлж байгаа үнэлгээ болж байна. Азай буурал ахмадуудын маань хөдөлмөр зүтгэл, хичээл тэмцлийг үнэлж байгаа үнэлгээ болж байна.

    Бид бүхний гайхамшигтай ахмад үе Монгол Улсын тусгаар тогтнол, эрх чөлөөт байдал, сайн сайхны төлөө амь биеэ зориулан зүтгэж ирсэн. Тэдний дараагийн үеийнхэн Монголд их бүтээн байгуулалт хийхийн төлөө, улс орноо хөгжил, дэвшилд хүргэхийн төлөө зүтгэж ирсэн. Дорнодын өнөөгийн үеийнхэн мөн улс орныхоо хөгжил, дэвшилд хувь нэмэр оруулж, өөрсдийн амьдрал, гэр бүл, өөрсдийн нийгэм, энд байгаа бүхнээ сайн сайхнаар авч явахын төлөө хичээл зүтгэл гарган ажиллаж байгаа.

    Хувийн хэвшлийг хөгжүүлэх, газар тариалан, мал аж ахуйгаа хөгжүүлэх, эрхэлж байгаа ажил бүхэн дээрээ амжилт гаргахын төлөө Дорнодынхон зүтгэж байгаа.

    Дорнодоос сүүлийн үед үргэлж сайхан мэдээ сонсогдож байгаа. Энэ бүхнийг үнэлж өнөөдөр Сүхбаатарын одонгоор шагнаж байгаа юм. Мөн ирээдүй үеийнхнээ зоригжуулж, үе үед хийж явсан сайхан үйл хэргийг ирээдүй үе маань цааш үргэлжлүүлэн авч явна. Та бүхнийг Монголын төр, Монголын ард түмэн урамшуулж, хөдөлмөр, зүтгэлийг үнэлж байх болно гэдгийг өнөөдөр хэлье.

    Та бүхэнд дахин баяр хүргэе.

    Дэлгэрэнгүй
  • Ерөнхийлөгчийн зөвлөх Р.Болд Дорнод аймгийн сургууль, хүүхдийн зарим байгууллагатай танилцлаа

    2017-04-26

    Монгол Улсын Ерөнхийлөгч Ц.Элбэгдоржийг Дорнод аймагт ажиллах үеэр Ерөнхийлөгчийн Хүний хөгжил, нийгмийн бодлогын зөвлөх Р.Болд тус аймгийн сургууль, хүүхдийн зарим байгууллагын үйл ажиллагаатай танилцлаа.

    Монгол Улсын Ерөнхийлөгчийн санаачилгаар Хүүхэд харах үйлчилгээний тухай хуулийг баталсан билээ. Тэгвэл Дорнод аймгийн төв Чойбалсан суманд энэ үйл ажиллагааны хэрэгжилт сайн байна. Матад суманд 2 төв, Чойбалсан суманд 9 төв ажиллаж, 100 гаруй хүүхдийг хүмүүжих газартай, аав ээжийг нь ажил эрхлэх боломжтой  болгожээ. Ерөнхийлөгчийн зөвлөх Р.Болд Чойбалсан сумын “Саруул ирээдүй” хүүхэд харах төвөөр орсон юм.

    Тус төв өглөө 7.30 цагаас орой 19.30 цаг хүртэл 12 цагаар тасралтгүй ажилладаг. Хүүхдийнхээ төлбөрөөр санхүүждэг юм байна. Дотроо хүүхэд харах төв, өдөр өнжүүлэх гэсэн хоёр хэсэгтэй. Өдөр өнжүүлэх төв 2014 оноос үйл ажиллагаагаа эхлүүлсэн бөгөөд 1 ойгоос 2 ой хүртэл насны хүүхдүүд хүмүүжиж байна. Хүүхэд харах төвийг 2015 онд байгуулж 2-5 насны хүүхдүүдийг хамруулжээ. Энэ хоёр бүлэг нийт 33 хүүхэдтэй, цэцэрлэгийн багш мэргэжилтэй 3 багш ажилладаг.

    Дэлгэрэнгүй
  • Монгол Улсын Ерөнхийлөгч Ц.Элбэгдорж Дорнод аймагт ажиллаж байна

    2017-04-24

    Монгол Улсын Ерөнхийлөгч Ц.Элбэгдорж энэ 4 дүгээр сарын 24-25-ны өдрүүдэд Дорнод аймагт ажиллаж байна. Төрийн тэргүүн өнөөдөр Чойбалсан хотод хүрэлцэн ирсэн юм. Мөн өдрийн үдээс хойш  Монгол Улсын Ерөнхийлөгчийн 2009-2017 оны бодлого, үйл ажиллагааны хөтөлбөрийн биелэлтийг Дорнод аймгийн иргэдэд танилцуулах уулзалт аймгийн хөгжимт драмын театрт болов.

    Ерөнхийлөгчийн Гадаад бодлогын зөвлөх Л.Пүрэвсүрэн, Хүний хөгжил, нийгмийн бодлогын зөвлөх Р.Болд, Хүний эрх, хуулийн бодлогын зөвлөх Ч.Өнөрбаяр нар Монгол Улсын Ерөнхийлөгч Ц.Элбэгдоржийн өнгөрсөн найман жилийн хугацаанд хийж хэрэгжүүлсэн ажлыг салбар тус бүрээр танилцуулсан юм.

    Уулзалтын дараа Дорнод аймгийг Төрийн дээд Сүхбаатарын одонгоор шагнах ёслол боллоо. Ёслолын эхэнд Дорнод аймгийн туг, сумдын тугийг театрын тайзнаа ёслол төгөлдөр залав.

    Дэлгэрэнгүй
  • Монгол Улсын Ерөнхийлөгчийн ивээл дор зохион байгуулсан “Дуулиан 2020” заалны хөл бөмбөгийн тэмцээний аваргууд тодорлоо

    2017-04-23

    Монгол Улсын Ерөнхийлөгчийн ивээл дор, Нийслэлийн Засаг дарга бөгөөд Улаанбаатар хотын захирагчийн дэмжлэгтэйгээр Монголын Хөлбөмбөгийн холбоо, "Их Талын Дуулиан ТББ" болон Нийслэлийн Биеийн Тамир Спортын Газар, Нийслэлийн Боловсролын Газар хамтран Нийслэлийн аварга шалгаруулах "ДУУЛИАН-2020" заалны хөлбөмбөгийн 11 дэх удаагийн тэмцээний Финалын тоглолтууд амжилттай болж өндөрлөлөө.

    Тус тэмцээн нь Монгол Улсын Ерөнхийлөгчийн багийн спортыг хөгжүүлэх зарлигийг хэрэгжүүлэх, нийтийн хөлбөмбөгийн спортыг хөгжүүлэх, энэ салбарт дэмжлэг туслалцаа үзүүлдэг хувь хүн, албан байгууллагын тусламж хамтын ажиллагааны хүрээнд материаллаг баазыг нэмэгдүүлэх, Монголын хөлбөмбөгийн хөгжилд хувь нэмрээ оруулах чадварлаг, авъяаслаг, эрүүл монгол иргэнийг төлөвшүүлэх үндсэн зорилго ач холбогдолтой юм. Энэхүү тэмцээнд олон байгууллага ивээн тэтгэгчээр оролцсон бөгөөд  дэлхийн хамгийн олон хөгжөөн дэмжигчтэй хөлбөмбөгийн спортод Монголын ирээдүй болсон хүүхэд, залуучуудыг амжилттай оролцуулах баг тамирчдыг бэлтгэх зорилготой юм.

    Дэлгэрэнгүй
  • “БИДНИЙ ОРОЛЦОО – УЛСЫН ХӨГЖИЛ” уралдааны тэргүүн байрын эздэд шагнал гардуулав

    2017-04-21

    Монгол Улсын Ерөнхийлөгчийн Тамгын газар, Швейцарийн хөгжлийн агентлагийн хамтран хэрэгжүүлж буй “Иргэдийн оролцоо” төслөөс зарласан “БИДНИЙ ОРОЛЦОО – УЛСЫН ХӨГЖИЛ” эссе бичлэгийн уралдааны шагнал гардуулах үйл ажиллагаа өнөөдөр Ерөнхийлөгчийн дэргэдэх Иргэний танхимд боллоо.

    Уг арга хэмжээнд Монгол Улсын Ерөнхийлөгчийн Тамгын газрын дарга Ц.Баярсайхан, “Иргэдийн оролцоо” төслийн зохицуулагч Д.Сүнжид, төслийн ажилтнууд, эссе бичлэгийн уралдаанд оролцогчдын төлөөлөл оролцов.

     “Иргэдийн оролцоо” төслийн гол зорилго нь шийдвэр гаргах үйл явц дахь иргэдийн оролцоог нэмэгдүүлэх, иргэдийн оролцооны эрх зүйн орчныг улам боловсронгүй болгоход чиглэсэн юм. Ингэснээр улс, орон нутгийн түвшинд гарч буй шийдвэрүүд иргэдийн хэрэгцээ шаардлагад нийцэж чаддаг гэж үзсэн байна.

    “БИДНИЙ ОРОЛЦОО – УЛСЫН ХӨГЖИЛ” эссе бичлэгийн уралдааныг өсвөр нас, залуучууд, бусад насны түвшинд төрийн болон нийгмийн үйл ажиллагаанд иргэд, олон нийт яаж оролцох,  тодорхой хууль тогтоомжийн эрх, үүргийг хэрхэн хэрэгжүүлэх талаар мэдээлэл түгээх, иргэдийн оролцоог сурталчилах, идэвхжүүлэх зорилготойгоор зохион байгуулсан юм.

    Шагнал гардуулах үеэр Монгол Улсын Ерөнхийлөгчийн Тамгын газрын дарга Ц.Баярсайхан хэлсэн үгэндээ:

    “Монгол Улсын Ерөнхийлөгчийн Тамгын газар, Швейцарийн хөгжлийн агентлаг хамтран “Иргэдийн оролцоо” төсөл хэрэгжүүлж байна. Иргэдийн оролцоог улс төрийн хүрээнд нэмэгдүүлэх зорилгоор Монгол Улсын Ерөнхийлөгч Иргэдийн улс төрийн эрхийн тухай хуулийн төсөл санаачлан боловсруулж УИХ-д өргөн барьсан боловч УИХ төслийг буцаасан. Цаашдаа иргэд төрийн хэрэгт шууд оролцох эрх зүйн орчин, улс төрийн эрхийг нь хэрэгжүүлэх чиглэлээр ажиллах ёстой гэж бодож байгаа.

    Дэлгэрэнгүй
  • МОНГОЛ УЛСЫН ЕРӨНХИЙЛӨГЧ ЦАХИАГИЙН ЭЛБЭГДОРЖИЙН ШИНЭ ЖИЛИЙН МЭНДЧИЛГЭЭ ДЭВШҮҮЛЖ ХЭЛСЭН ҮГ

    2016-12-31

    Төрийн ордон

    Улаанбаатар хот

    Сайн байцгаана уу!

    Эрхэм хүндэт ард иргэд ээ!

    Та бүхэндээ шинэ оны мэнд дэвшүүлж, хамгийн сайн сайхныг хүсэн ерөөж мэндчилье.

    Улиран шилжирч буй 2016 он Монгол түмний хувьд түүхэн үйл явдлаар дүүрэн он байлаа.

    2016 онд манай гаригийн хоёр тив – Ази Европын удирдагчид Монголд чууллаа. Бүтэн зууны туршид нэг улсад, нэг удаа тохиох түүхэн чуулга уулзалтыг монголчууд нэр төртэй зохион байгуулж чадлаа. Ази Европын удирдагчдын дээд хэмжээний уулзалтын 20 жилийн тэгш ойг Монгол нутагт тэмдэглэв. ЕвроАзийн бодлого тодорхойлогчид дараагийн 10 жилд баримтлах чухал шийдвэр, чиглэлээ дэлхий дахинд “Улаанбаатарын Тунхаглал”, “Даргын Мэдэгдэл” нэрээр манай орны нийслэлээс зарлав.

    2016 онд улсын болон орон нутгийн төлөөллийг сонгох сонгууль болж өнгөрлөө. Сонгогдсон төрийн түшээд улс орныхоо нийтлэг эрх ашгийг эрхэмлэж хариуцлагатай, шуурхай, итгэл дааж ажиллахыг ард иргэд хүлээж байна.

    Дэлгэрэнгүй
  • МОНГОЛ УЛСЫН ЕРӨНХИЙЛӨГЧ Ц. ЭЛБЭГДОРЖ: МОНГОЛООРОО БАХАРХАХ НЬ АРИУНБААТАРЫН ДЭЭД БАХАРХАЛ ЮМ

    2016-10-31

    МОНГОЛ УЛСЫН ЕРӨНХИЙЛӨГЧ ЦАХИАГИЙН ЭЛБЭГДОРЖ МОНГОЛ БАХАРХЛЫН ӨДРӨӨР ЧИНГИС ХААН ОДОН ГАРДУУЛЖ ХЭЛСЭН ҮГ

    Улаанбаатар хот                                                           Төрийн Ёслол хүндэтгэлийн өргөө

    Чингис хааны одонт эрхмүүд ээ,

    Хүндэт нөхөд өө,

    Ард иргэд ээ,

                Өнөөдөр Монголын ард түмний бахархлын өдөр. Энэхүү бахархалт өдрийн халуун мэндийг Та бүхэнд хүргэе. Монгол хүн бүрт, Монголын төлөө сэтгэл, зүрх бүрт энэ сайхан өдрийн халуун мэндийг хүргэе.

                Монголчууд бол бахархлыг бүтээж, бас түгээн, түүнийг эзэмдэж ирсэн хүмүүс. Бидний хаан бахархал бол Монголын сайхан эх орон, Монголын ард түмэн, Монголын тусгаар тогтнол, эрх чөлөө юм. Мөн Та бидний их түүх, их өв соёл, их өвөг дээдэс маань билээ.

                Бахархлыг хүн бүтээдэг. Монголын бахархлыг Монгол хүн бүтээдэг. Монголчуудын бахархалт хүмүүсийн оройн дээд нь Эзэн Чингис хаан юм. Иймээс бид их хааныхаа мэлмий гийсэн учир билэгдэлт энэ өдрийг Монгол түмний бахархлын өдөр гэж тогтсон юм.

                Бахархалтай үндэстэн оршиж бас урагшилдаг. Үндэстнийхээ бахархлыг бүтээж яваа олон Монгол хүн бидний дунд бий. Хүнийг хөдөлмөр бүтээсэн тухай өмнө нь сургадаг байсан. Зорилготой, тууштай, хөдөлмөрч хүн л бахархлыг бүтээдэг. Харин энэ үнэнтэй бол маргах аргагүй юм. Монголын төрийн дээд хүндэтгэл-“Чингис хаан” одонг ийм хүнд жилдээ 1 удаа гардуулж байхыг Монгол Улс хуульчлан тогтоосон юм.

                Чингис хаан одонгоор манай улсын бахархал болсон нэр хүндтэй эрхмүүд шагнагдаж ирсэн. Пунсалмаагийн Очирбат, Бямбасүрэнгийн Шарав, Дашийн Бямбасүрэн, Раднаасүмбэрэлийн Гончигдорж, Нацагийн Багабанди, Дамдингийн Дэмбэрэл, Думаагийн Содном, Хавтгайн Намсрай, Гомбожавын Мэнд-Ооёо. Өнөөдөр Монгол төр энэхүү эрхэм хүндэтгэлээ нэгэн хөдөлмөрч, авьяаслаг уран бүтээлчдээ хүртээхээр шийдвэрлэсэн.

                Хүн төрөлхтний соёлын үнэт өв-сонгодог урлагт амжилт гаргах нь амаргүй даваа гэдэг нь хэн бүхэнд ойлгомжтой. Тэр тусмаа олон зуун, олон үе дамжиж түүний оргил өөд мацсан мэргэжлийн домогт олон уран бүтээлчдээс шалгарч тэргүүнд нь зогсоно гэдэг бол хосгүй. Эгэл борог амьдралтай малчны гэрт төрж өссөн Монгол хүү ийм амжилтад хүрсэн нь яах аргагүй манай үндэсний бахархал. Энэ бахархлын эзэн бол Ганбаатарын Ариунбаатар юм.

    Дэлгэрэнгүй
  • МОНГОЛ УЛСЫН ЕРӨНХИЙЛӨГЧ ЦАХИАГИЙН ЭЛБЭГДОРЖИЙН AСEM-ЫН ДЭЭД ХЭМЖЭЭНИЙ УУЛЗАЛТЫН ЗОЧДОД ЗОРИУЛСАН НҮҮДЭЛЧДИЙН НААДМЫГ ХААЖ ХЭЛСЭН ҮГ

    2016-07-15

    Улаанбаатар хот                                                                                      Чингисийн хүрээ

    Эрхэм хүндэт зочид оо,

    Эрхэмсэг хатагтай, ноёдоо,

    Ази, Европын орнуудын төр, засгийн тэргүүн нар, хүндэт зочдод болон AСEM-ын 20 жилийн ойд зориулсан Монгол наадам манай үндэсний ёс жаягын дагуу өрнөөд ийнхүү өндөрлөж байна.

    Монголын сайхан орон, сайхан уламжлал, нүүдлийн соёлын дээжисийг шингээсэн Монгол наадмын хүндэтгэл, ёслол, агуулга, өгүүлэмж бүрээс Та бүхэн Монголыг таних мэдлэг дурсамжаа зузаатгасан гэдэгт эргэлзэхгүй байна.

    Дэлгэрэнгүй
  • МОНГОЛ УЛСЫН ЕРӨНХИЙЛӨГЧ ЦАХИАГИЙН ЭЛБЭГДОРЖИЙН АСЕМ-ЫН ДЭЭД ХЭМЖЭЭНИЙ УУЛЗАЛТЫН ЗОЧДОД ЗОРИУЛСАН НҮҮДЭЛЧДИЙН НААДМЫГ НЭЭЖ ХЭЛСЭН ҮГ

    2016-07-15

    Улаанбаатар хот                                                                                      Чингисийн хүрээ

    Эрхэм нөхөд өө,

    АСЕМ-ийн дээд хэмжээний 11 дэх уулзалт эхлэхээс хэдхэн цагийн өмнө Франц Улсын Ницце хотод халдлага болж олон гэмгүй хүн амь насаа алдаж шардхадсан. Өнөөдөр бидний хурлаас терроризмыг санал нэгтэйгээр буруушааж, түүний эсрэг хамтран тэмцэхээ илэрхийлсэн билээ. Уг халдлагад амь насаа алдсан хүмүүсийн гэгээн дурсгалыг хүндэтгэн нэг минут хүндэтгэл илэрхийлье гэж чуулганы хүндэт зочид, төлөөлөгчид санал гаргасан юм. Энэ саналыг би хүлээн авч байна. Тэр хүмүүсийн дурсгалыг хүндэтгэн босч хүндэтгэл илэрхийлье.

    /Нүүдэлчдийн наадамд ирсэн АСЕМ-ийн гишүүн орнуудын төр, засгийн тэргүүнүүд, бусад төлөөлөгч зочид амь үрэгдэгсдийн дурсгалыг хүндэтгэн босч эмгэнэл илэрхийлэв/

    Эрхэм хүндэт зочид оо,

    Эрхэмсэг хатагтай, ноёд оо,

    Монгол наадам бол Монголын ард түмний дээд хүндэтгэлийн илэрхийлэл юм. Монголчууд аугаа түүхээрээ бахархдаг. Олон зууны турш бүтээж хадгалж ирсэн арвин соёл уламжлалаараа бахархдаг. Монголчуудын ялалт амжилт, хөгжил, дэвшлийн нууц ч Монгол наадамтай холбоотой. Монголчуудын ёслол, бахархал, цэнгэлийн дээжээс Та бүхэнд толилуулж байна.

    Дэлгэрэнгүй
  • МОНГОЛ УЛСЫН ЕРӨНХИЙЛӨГЧ ЦАХИАГИЙН ЭЛБЭГДОРЖИЙН ШИНЭ ОНЫ МЭНДЧИЛГЭЭ ДЭВШҮҮЛЖ ХЭЛСЭН ҮГ

    2015-12-31

    Төрийн ордон Улаанбаатар хот

    Сайн байцгаана уу

    Эрхэм хүндэт ард иргэд ээ,

    Та бүхэндээ шинэ жилийн үдшийн мэндийг хүргэж хамгийн сайн сайхныг хүсэн ерөөж мэндчилье.

    Удахгүй 2015 шилжирч, шинэ 2016 он айлчлан ирэх гэж байна.

    2015 он хүн төрөлхтний түүхэнд тод мөрөө үлдээгээд буцаж байна.

    2015 он дэлхийн хамтын нийгэмлэгийн хэтийн зорилт, тулгамдсан асуудлын шийдлийг тодорхойлоход түүхэн жил байлаа.

    2015 онд НҮБ-ын бүх гишүүн орон хамтарч, 2030 он хүртэл хийх 15 жилийн ажлаа тодорхойлов. “Тогтвортой Хөгжлийн Хөтөлбөр”-өө баталж, хэрэгжүүлэх ажилдаа орлоо. 2015 оны төгсгөлөөр Парис хотноо уур амьсгалын өөрчлөлтийн асуудлаар түүхэн чухал шийдвэрт хүрч чадлаа. Хүн төрөлхтөн эх дэлхийгээ аврах, улмаар дараачийн үедээ эрүүл амгалан амьдрах орчин бүрдүүлэх чухал шийдэлд хүрлээ.

    Дэлхийн нийтийн өмнө тулгамдсан олон асуудалд шийдэл олох гэсэн үр дүнтэй яриа хэлцэл, бодит алхамууд хийгдэж байна. Монгол Улс ч эдгээрт зохих хувь нэмрээ оруулсаар байна.

    2015 онд Монгол Улсын иргэд 3 саяулаа боллоо. Ерөөлөөр Монголчууд улам олуулаа болж байна.

    2015 онд Монгол Улс НҮБ-ын Хүний эрхийн зөвлөлд хамгийн олон орны дэмжлэг хүлээж сонгогдлоо.

    2015 онд Монгол Улс, ОХУ, БНХАУ-ын Төрийн тэргүүнүүдийн ээлжит дээд хэмжээний уулзалт болж тодорхой гэрээ хэлцэл ч хийлээ.

    Дэлгэрэнгүй
  • Чансаа өндөр шигшмэл 128 бөхийн барилдааныг нээж Монгол Улсын Ерөнхийлөгч Цахиагийн Элбэгдорж үг хэллээ

    2015-12-29

    Монголчууд үндэсний эрх чөлөө, тусгаар тогтнолоо сэргээн мандуулсны 104 жилийн ойд зориулан Монгол Улсын Ерөнхийлөгчийн ивээл дор, Монгол Улсын Ерөнхийлөгчийн Тамгын газар, Монголын Бөхийн холбооноос хамтран зохион байгуулж буй чансаа өндөр шигшмэл 128 бөхийн барилдааныг нээж Төрийн тэргүүн Цахиагийн Элбэгдорж үг хэллээ.

    Тэрээр хэлсэн үгэндээ “Эрхэм хүндэт ард иргэд ээ,

    Энэхүү өргөөнд хуран цугларсан бөх сонирхогч, бөхийн хорхойтнууд, нийт иргэдийнхээ энэ өдрийн түмэн амгаланг айлтган мэндчилье.

    Та бүхэндээ үндэсний эрх чөлөө, тусгаар тогтнолоо сэргээн мандуулсны 104 жилийн ойн баярын мэндийг хүргэж хамгийн сайн сайхныг хүсэн ерөөе. Монголд 104 жилийн өмнө болсон түүхэн үйл явдал бол Их Монгол Улсаа байгуулснаас хойш болсон хамгийн гайхамшигтай түүхэн үйл явдал байсан гэж хэлж болно. Их Монгол Улсаа байгуулж, дэлхийн гүрнийг зарлаж явсан монголчуудад уруудаж доройтох цаг байсан. Гэхдээ бид эрх чөлөө, тусгаар тогтнолоо эргэж сэргээн олж авсан. Энэ эрх чөлөө, тусгаар тогтнолоо бид 104 жил эрхэмлэн хамгаалж яваа.

    Дэлгэрэнгүй
  • ЕАБХАБ-ын Парламентын Ассамблейн 2015 оны Намрын хуралд Монгол Улсын Ерөнхийлөгч Монголын Цахиагийн Элбэгдоржийн хэлсэн үг

    2015-09-16

    ЕАБХАБ-ын Парламентын Ассамблейн 2015 оны Намрын хуралд

    Монгол Улсын Ерөнхийлөгч Монголын Цахиагийн Элбэгдоржийн хэлсэн үг

    Улаанбаатар хот                                         

    2015 оны 9 дүгээр сарын 16

     

    “ХОЁР САЙН МЭДЭЭ БАЙНА”

    Эрхэм хүндэт хурлын дарга Илкка Канерва,

    Эрхэм хүндэт төлөөлөгчид,

    Эрхэмсэг хатагтай, ноёдоо,

    Одоогоос 40 жилийн өмнө Хелсинки хотноо ЕАБХАБ-ын үндэс суурийг тавих уулзалт болж байсан.

    Мөн 25 жилийн өмнө ЕАБХАБ-ын Парламентын Ассамблейг Парис хотноо байгуулахаар тогтож байжээ.

    1990 оны 7 дугаар сард Монгол Улсад анхны ардчилсан олон намын оролцоотой сонгууль болсон юм.

    Монгол Улс 1990 оны IX сард анхны байнгын ажиллагаатай Парламентыг байгуулан нээлттэй, ардчилсан бодлогыг тууштай хэрэгжүүлж ирлээ. 

    Дэлгэрэнгүй
  • 25 ЖИЛ: ӨМНӨХӨӨ ДҮГНЭЖ, ИРЭЭДҮЙН ЗОРИЛГОО ТОДОРХОЙЛЖ, ХИЙЖ ХЭРЭГЖҮҮЛЭХ ТҮҮХЭН БОЛОМЖ

    2015-09-14

    Монгол Улсад байнгын ажиллагаатай парламент байгуулагдсаны 25 жилийн ойд зориулсан Улсын Их Хурлын Хүндэтгэлийн хуралдаанд Монгол Улсын Ерөнхийлөгч Цахиагийн Элбэгдоржийн хэлсэн үг.

     

    25 ЖИЛ: ӨМНӨХӨӨ ДҮГНЭЖ, ИРЭЭДҮЙН ЗОРИЛГОО ТОДОРХОЙЛЖ, ХИЙЖ ХЭРЭГЖҮҮЛЭХ ТҮҮХЭН БОЛОМЖ

    Төрийн ордон                                                                                                         2015 оны 9 дүгээр сарын 13

    Эрхэм хүндэт ард иргэд ээ,

    Эрхэм хүндэт УИХ-ын дарга, Ерөнхий сайд, эрхэм гишүүд ээ,

    Манай оронд суугаа Элчин сайд нар, дипломат төлөөлөгчийн тэргүүн нар аа,

    Хатагтай, ноёд оо,

    Дэлгэрэнгүй
  • Ерөнхийлөгчийн зөвлөх Л.Эрхэмбаяр Монголын арьс ширний үйлдвэрлэлийн холбооны удирдлагуудтай уулзав

    2014-10-16

    Монгол Улсын Ерөнхийлөгчийн Амьдрах орчин, ногоон хөгжлийн бодлогын зөвлөх Л.Эрхэмбаяр өнөөдөр Монголын арьс ширний үйлдвэрлэлийн холбоо (МАШҮХ)-ны удирдлагуудтай уулзлаа. Уулзалтад ҮХААЯ-ны Хөнгөн үйлдвэрийн бодлогын хэрэгжилтийг зохицуулах газрын дарга Ц.Баярмаа, Монголын арьс ширний үйлдвэрлэлийн холбооны ерөнхийлөгч Б.Энх-Амгалан, гүйцэтгэх захирал Т.Баярсайхан, Удирдах зөвлөлийн гишүүн н.Алтай, ахлах инженер н.Даваажав, Монгол Шевро ХХК-ийн захирал Ц.Түмэн-Өлзий нар оролцов.

    Дэлгэрэнгүй
  • Төрийн дээд одон, медалийн загвар шалгаруулах уралдааны дүн гарлаа

    2014-10-09

    Монгол Улсын Ерөнхийлөгчөөс Төрийн шагналын тогтолцоог нийгэм, цаг үеийн шинэчлэлтэй нийцүүлэн боловсронгуй болгох шаардлагатай гэж үзэн Төрийн шагналын тухай хуулийн төсөл боловсруулаад байна. Хуулийн төсөл боловсруулах ажлын хүрээнд Төрийн дээд одон, медалийн загвар шалгаруулах уралдааныг 2014 оны есдүгээр сарын 1-нээс аравдугаар сарын 1-ний хооронд зарлан зохион байгуулсан юм.

    Уралдаанд нийт 10 уран бүтээлч 100 гаруй загвар ирүүлсэн байна. Монгол Улсын Ерөнхийлөгчийн Тамгын газар, Төрийн шагналын тухай хуулийн төсөл боловсруулах ажлын хэсгийн гишүүд уралдааны удирдамжид заасны дагуу 2014 оны аравдугаар сарын 9-нд хуралдаж зураач П.Цэгмид, Б.Гантулга, Б.Түвшин нарын бүтээлийг сонгон шалгарууллаа.

    Дэлгэрэнгүй
  • “Баялгийн сан нь Хүний хөгжлийн санг Ухаалаг төрийн бодлогын хүрээнд, илүү зөв механизмд чиглүүлсэн дараагийн үе шат юм”

    2014-09-18

    Монгол Улсын Ерөнхийлөгчийн санаачилсан Баялгийн сан буюу Ирээдүйн өв сангийн тухай хуулийн төслөөр өнөөдөр Ерөнхийлөгчийн дэргэдэх Иргэний танхимд хэлэлцүүлэг хийв. Хэлэлцүүлгийг Ерөнхийлөгчийн Иргэний оролцоо, эдийн засгийн бодлогын зөвлөх Л.Дашдорж удирдан явууллаа.

    Хэлэлцүүлгийг нээж зөвлөх Л.Дашдорж хэлэхдээ "Түрүүчийн долоо хоногт Засгийн газраар уг төслийг хэлэлцээд Монгол Улсын Ерөнхийлөгчийн санаачилсан Баялгийн сан буюу Ирээдүйн өв сангийн тухай хуулийн төслийг дэмжсэн шийдвэр гаргалаа. Баялгийн сан буюу Ирээдүйн өв сан нь Ухаалаг төрийн бодлогын нэг чухал бүрэлдэхүүн хэсэг болох юм.

    Дэлгэрэнгүй
  • “5000 бөмбөг” төсөл амжилттай хэрэгжиж эхэллээ

    2014-09-14

    Монгол Улсын Ерөнхийлөгч Ц.Элбэгдоржийн санаачилсан " Хөлбөмбөгийн хөгжлийг хөдөө орон нутагт", "Хөлбөмбөгийн хөгжлийг хүүхэд бүрт" гэсэн хөтөлбөрүүдийг Монголын Хөлбөмбөгийн Холбоотой хамтран амжилттай хэрэгжүүлж ирсэн ба өнөөдөр тус хөтөлбөрийн хүрээнд "Хөлбөмбөгийг эрчимтэй хөгжүүлье!" уриалгыг хэрэгжүүлж, "5000 бөмбөг" төслийг амжилттай хэрэгжүүлж байна.

    Дэлгэрэнгүй
  • Гишүүд маань хуулийн нэрээр популизм хийхээс илүү утга учир, үндсэн агуулга нь чухал гэдгийг харууллаа

    2014-07-24

    Монгол Улсын Ерөнхийлөгч Ц.Элбэгдоржийн санаачлан Улсын Их Хуралд өргөн барьж батлуулсан Шилэн дансны тухайхуулийн төслийн талаар Монгол Улсын Ерөнхийлөгчийн хүний эрх, хуулийн бодлогын зөвлөх Ч.Өнөрбаяртай ярилцав.

    Дэлгэрэнгүй
  • Ч.Өнөрбаяр: Шилэн данс бол нийгмийн захиалга

    2014-05-23

    "Ньюс агентлаг"-ийн уншигчдаас Шилэн дансны тухай хуулийг яагаад УИХ дэмжээгүй, хэзээ батлагдах вэ зэрэг асуулт ирүүлж буйтай холбоотойгоор Монгол Улсын Ерөнхийлөгчийн Хүний эрх, хуулийн бодлогын зөвлөх Ч.Өнөрбаяраас энэ хуулийн төслийн талаар тодрууллаа.

    -Шилэн дансны тухай хууль хэзээ дахин УИХ-д орж ирэх вэ, удахгүй л гэсэн хариулттай байгаа?

    Дэлгэрэнгүй
  • Монгол Улсын Ерөнхийлөгчийн дэмжлэгтэй “Үндэсний цом-2014” тэмцээн амжилттай өндөрлөлөө

    2014-05-16

    Монгол Улсын Ерөнхийлөгчийн дэмжлэгээр Монголын хөлбөмбөгийн холбооноос хэрэгжүүлэн зохион байгуулсан "Хөлбөмбөгийн хөгжлийг хөдөө орон нутагт" цогц хөтөлбөрийн хүрээнд 21 аймгийн аварга шалгаруулах "Үндэсний цом-2014" тэмцээн болж амжилттай өндөрлөлөө.

    Энэ жилийн тэмцээнийг 2014 оны тавдугаар сарын 11-16 -ны хооронд МХБХ /Монголын хөлбөмбөгийн холбоо/- ны  зүлэг ногоон дэвжээ, цэнгэлдэх хүрээлэнд зохион байгуулж, 15 аймгийн шигшээ баг тамирчид оролцлоо.

    Дэлгэрэнгүй
  • Ярилцлага

    2014-05-16

     

    https://www.youtube.com/watch?v=bBBQh9JA73I

    Дэлгэрэнгүй
  • ХҮҮХЭД, ЗАЛУУСЫГ ДЭМЖСЭН БОДЛОГОО ҮРГЭЛЖЛҮҮЛЭЭД ЯВАХ НЬ ИЛҮҮ ОНОВЧТОЙ

    2016-08-31

    УИХ-аар Монгол Улсын 2016 оны Төсвийн тухай хуульд нэмэлт, өөрчлөлт оруулах хуулийн төслийг хэлэлцэх гэж буйтай холбогдуулан Монгол Улсын Ерөнхийлөгчийн Хүний хөгжил, нийгмийн бодлогын зөвлөх Р.Болдоос зарим зүйлийг асууж тодруулав.

    Төсөвт тодотгол хийх асуудлыг Ерөнхийлөгч хэрхэн үзэж байна вэ?

    Монгол Улсын Ерөнхийлөгч одоогоор уг хуулийн төсөлтэй танилцаж, судалж байна. Төсөлд тусгагдсан зарим заалтууд, ялангуяа нийгмийн хамгааллын шинжтэй төсөв, зардлыг хасаж танахыг Ерөнхийлөгч дэмжихгүй байгаа.

     

    Дэлгэрэнгүй
  • Монгол Улсын Ерөнхийлөгч ОХУ-ын төв телевизэд ярилцлага өгөв

    2015-04-28

    Энэ дөрөвдүгээр сарын 25-ны орой ОХУ-ын төв телевиз РТР сувгийн “Вести в субботу” нэвтрүүлгээр Оросын телевизийн нэртэй сурвалжлагч С.Б.Брилёвын Монгол Улсын Ерөнхийлөгч Ц.Элбэгдоржтой хийсэн ярилцлага нэвтрүүлгийг дамжуулав. Сэтгүүлч С.Б.Брилёв өөрийн орны болон гадаадын орнуудын төрийн тэргүүнүүдтэй ярилцлага хийдгээрээ алдартай хүн юм. Тэрээр ОХУ-ын Ерөнхийлөгч В.Путин, Ерөнхийлөгч асан Д.Медведев, АНУ-ын Ерөнхийлөгч асан Ж.Буш, Ерөнхийлөгч Б.Обама, Их Британий Ерөнхий сайд Ж.Мейжор, Т.Блейр  нартай ярилцлага хийж байжээ. 

    Дэлгэрэнгүй
  • Ц.Элбэгдорж: Европын болоод Азийн хэмжээнд Монгол улсыг хүлээн зөвшөөрч, итгэж байгаагийн илрэл юм

    2014-10-18

    Италийн Милан хотноо Ази Европын дээд түвшний уулзалт /АСЕМ/ болж өндөрлөлөө. Монгол Улс дараагийн уулзалтыг зохион байгуулах эрхийг авлаа. Эрх гардан авах үеэр Монгол Улсын Ерөнхийлөгч Цахиагийн Элбэгдорж дагалдан яваа хэвлэл мэдээллийн бүрэлдэхүүнд яридцлага өглөө.

    -Ази Европын 11 дүгээр уулзалтыг зохион байгуулагч орноор Монгол Улс сонгогдлоо. Энэ талаарх сэтгэгдлээ хуваалцаач? 

    -Энэ бол их том, тун сайхан үйл явдал боллоо. Ази Европын уулзалтыг зохион байгуулах эрхийг авна гэдэг Монгол Улсын нэр хүнд ямар өндөр түвшинд хүрснийг харуулж байна. Ард иргэддээ баярлах хэрэгтэй. Монгол Улсын нэр хүндийг өндөрт авч явахын тулд иргэн бүр хувь нэмрээ оруулсан гэж боддог. Энэ амжилт нь Европын болоод Азийн хэмжээнд Монгол улсыг хүлээн зөвшөөрч, итгэж байгаагийн илрэл юм.

    Дэлгэрэнгүй
  • Цахиагийн ЭЛБЭГДОРЖ: Монголчууд хуучин андаа мартдаггүй

    2014-10-13

    Өнөөгийн Монгол бол хуучин социалист дэглэмээс орчин үеийн хурдацтай хөгжиж буй, олон намын тогтолцоотой, зах зээлийн эдийн засагтай, нээлттэй гадаад бодлоготой  ардчилсан улс руу харьцангуй богино хугацаанд амжилттай шилжсэн үлгэр жишээ улсын нэг.  АНУ-д Монголыг барууны загварын ардчиллын "лаборатори" улс гэж нэрлэдэг. Гэвч Улаанбаатар "Сэм авга"-ын найрсаг тэврэлтэд харайн орохыг яарсангүй, ОХУ-тай найрсаг хөршийн харилцаагаа дэмжиж хөгжүүлэхийг чухалд үзэж байна. ОХУ-ын Ерөнхийлөгч Владимир Путины айлчлалын босгон дээр Оросын сэтгүүлчид Монголд айлчилж, ИТАР-ТАСС-ын Ерөнхий захирлын нэгдүгээр орлогч Михаил Гусман Монгол Улсын Ерөнхийлөгч Цахиагийн Элбэгдоржоос тусгайлсан  ярилцлага авсан юм.

    Дэлгэрэнгүй
  • Ц.Элбэгдорж: Нелсон Мандела төгсгөлгүй юм. Яагаад гэвэл эрх чөлөө гэдэг өөрөө төгсгөлгүй зүйл

    2013-12-06

    Монгол Улсын Ерөнхийлөгч Ц.Элбэгдорж өнөөдөр "Bloomberg" телевизэд ярилцлага өгөв.

    Хөтлөгч Э.Долгион: -Таныг манай телевизэд ярилцлага өгч байгаад их баярлалаа. Нелсон Манделаг таалал төгссөнийг зөвхөн Өмнөд Африкт төдийгүй олон улсад нэг эриний төгсгөл ирлээ гэж дэлхийн удирдагчид ярьж байна. Таны хувьд Нелсон Манделагийн талаар юу хэлэх вэ?

    Дэлгэрэнгүй
  • Монгол Улсын Ерөнхийлөгч ВВС-д ярилцлага өгөв

    2013-02-06

    Монгол Улсын Ерөнхийлөгч Цахиагийн Элбэгдорж ВВС-д ярилцлага өгөв. Монгол Улсын Ерөнхийлөгчтэй ВВС телевизийн сэтгүүлч, нэвтрүүлэгч Жастин Роулотт, ВВС радиогийн продюсер Кент ДеПинто нар уулзаж ярилцсан юм.

    Дэлгэрэнгүй
  • Монгол Улсын Ерөнхийлөгч Ц.Элбэгдорж ОХУ-ын хэвлэлүүдэд ярилцлага өгөв

    2011-05-12

    Өнгөрсөн жил Монгол Улсын Ерөнхийлөгч ОХУ-ын Бүгд Найрамдах Буриад Улсад болсон Дэлхийн монголчуудын конвентд оролцох үеэрээ Байгал далайг хамгаалах зорилготой "Миры на Байкале" төсөлтэй танилцаж,  усан доогуур шумбагч "Мир"u  төхөөрөмжийг санаачлагч, зохион бүтээгч, ОХУ-ын баатар А.Сагалевич, "Метрополь" группийн захирал  М.Слипенчук нарын хамтаар усан доогуур 437 метрийн гүнд шумбасан юм. Ингэснээрээ Буриад Улсын Засгийн газар болон, Байгал нуурыг хамгаалах төслийнхний гаргасан уриалгад нэгдсэн анхны Төрийн тэргүүн болсон билээ.

    Дэлгэрэнгүй
  • Хятад улсын төв телевизд ярилцлага өгөв

    2010-05-02

    Монгол Улсын Төрийн тэргүүний БНХАУ-д хийж байгаа айлчлал Хятад Улсын хэвлэл мэдээллийн хэрэгслийн анхаарлын төвд байна.
    Монгол Улсын Ерөнхийлөгч Ц.Элбэгдоржийн БНХАУ-ын дарга Ху Жинтао, мөн тус улсын Төрийн Зөвлөлийн Ерөнхий сайд Вэнь Зябао нартай хийсэн уулзалт, Хятад Монголын бизнес форумын үеэр хэлсэн үгийн талаар өдөр тутмын "China Daily" "Ардын сонин" зэрэг сонинууд томоохон сурвалжлага нийтлүүлэв.

    Дэлгэрэнгүй